Ongi etorri Txitatokira! Leku ezin hobea eta inklusiboa zirkuaren munduan hasteko. Elsa eta Keko gara eta 15 urte baino gehiago daramatzagu zirkoa eta bere baloreak mundu guztiari zabaltzeko abentura zoragarri honetan murgilduta. Iruñeko zirkuko eskolan elkar ezagutu ginenetik, argi izan genuen herri txiki batean zirku-proiektu bat sortu nahi genuela. Horrela iritsi ginen Arteagara. 2014an Urdaibaiko lehen zirku eskola sortu genuen. Urteen poderioz, espazio hau txiki geratu zitzaigun eta Gernikako Tantai Espaziora joan ginen, gaur egun gure egoitza dena.

Gure proposamen pedagogikoa
Hainbat diziplina artistiko lantzen ditugu zirkua pertsona guztiei hurbiltzeko asmoz. Gure klaseetan, primeran pasatzeaz gain, gure ikasleei euren garapen fisikoan: elastikotasuna, arintasuna, oreka, indarra, psikomotrizitatea eta garapen pertsonalean: emozioen kudeaketa, autoestimua, konfiantza, gainditzea, soziabilitatea, talde-lana, lankidetza… laguntzen diegu.
Izugarri gustatzen zaigu ikustea nola handiak eta txikiak sartzen eta irteten diren ikasgelatik irribarre batekin.
Gure helburua, zirkua diziplina artistiko bat izateaz gain, pertsona guztientzako kirol osasuntsua eta dibertigarria izatea lortzea da, edozein izanik pertsona horren adina eta egoera edo gaitasun fisikoa.

Gure irakasleak
Gure irakasle-taldeak eskarmentu handia du. Gaur egun, 7 monitore ditugu Keko Salvadorren (zirku pedagogian graduatua) gidaripean aritzen direnak.

Animatzen zara gurekin zirkuaren munduan murgiltzera?
Ez duzu esperientziarik izan behar, bakarrik ondo pasatzeko gogoa.